Նորություններ

Եվս 2 ՔԿՀ միացել է սննդի ապահովման նոր համակարգին

«Հրազդան» և «Սևան» ՔԿՀ–ները ևս միացան սննդի ապահովման նոր համակարգին

Քրեակատարողական հիմնարկներից ևս երկուսը միացան սննդի ապահովման նոր համակարգին։ Տեղեկությունը հայտնում են ՀՀ ԱՆ քրեակատարողական ծառայության հանրային կապերի բաժնից։

«Մայիսի 1-ից ՀՀ արդարադատության նախարարության «Հրազդան» և «Սևան» ՔԿՀ–ները ևս միացան «Արտ Լանչ» ապրանքանիշը ներկայացնող «Ռեդի-Սթեդի» ՍՊԸ-ի կողմից ազատազրկված անձանց համար սննդի ապահովման նոր համակարգին։ Հիշյալ ընկերությունն արդեն իսկ սննդով ապահովում է 12 քրեակատարողական հիմնարկներից 9-ին»,–նշված է հաղորդագրության մեջ։

Մինչև 2020–ի հունիսն այս համակարգը ներդրված կլինի Հայաստանի բոլոր 12 քրեակատարողական հիմնարկներում: «Ռեդի-Սթեդի» ՍՊԸ-ի կողմից ազատազրկված անձանց համար նախատեսված սնունդն իր մեջ ներառում է նախաճաշը, ճաշը և ընթրիքը, որոնք պատրաստվում են քրեակատարողական հիմնարկների տարածքում ամեն օր, և մասնագիտացված խոհարարները:

Յուրաքանչյուր շաբաթ առաջարկում է նոր ճաշացանկ, որը հաստատվում է քրեակատարողական հիմնարկի պետի կողմից: Սննդի մատակարարման նոր մշակույթը ՔԿՀ–ներում ոչ միայն ապահովում է դատապարտյալների և կալանավորված անձանց որակյալ սնունդը, այլև մասնակիորեն կամ ամբողջությամբ վերացնում է սննդային հանձնուքների փոխանցումը:

Սննդի ապահովման գործընթացը 2019–ի հոկտեմբերից «Արմավիր» և «Նուբարաշեն» ՔԿՀ-ներում մեկնարկած փորձնական ծրագրի արդյունքում բաց մրցույթում հաղթող էր ճանաչվել մասնավոր ընկերությունը «Ռեդի-Սթեդին»:

2020–ի մարտից այն ներդրվեց նաև «Աբովյան», «Գորիս», իսկ ապրիլից «Դատապարտյալների հիվանդանոց», «Երևան-Կենտրոն» և «Վարդաշեն» քրեակատարողական հիմնարկներում: 

Այլ հոդվածներ

Close